Transcription
1
Monsieur, nous resceumes vendredy dernier, 19 du présant
2
ung vostre dépêche du 16 de novembre et le samedy
3
ensuivant, qu’estoye le 20, nous en resceumes ung aultre du
4
14 du présant par monsieur Bourgel, dont j’ay peu cognoistre
5
qu’aviés resceu le dépêche que monsieur d’Evègnes vous avoyt
6
fait par monsieur de Trechenus ; bien est vray qu’estay bien
7
cogneu aussy que n’aviés pas ancores resceu une
8
mienne lettre escripte du 10 du présant par laquelle je
9
vous faisoys antendre come monsieur Maniquet nous avoyt
10
forny quatre cens livres au moyen desquelz nous
11
avons commanssé à dresser nostre équipage pour La
12
Rochelle. Et parce que nous avions plus de besoing de
13
nous prouvoir d’une charrete et de ses apertenansses que
14
d’aultre chose, j’ay commancé par ung cheval qui nous a
15
coupté quarante escus pistoles, par le billiot et par
16
une charrete qui nous a coupté trante frans dudit pays,
17
come le vous escripvoys pour la grande chertté qui luy
18
at heu en ceste ville du boys et du foin. En faisant venir nostre
19
dicte charrette en ceste ville chargée ung steur de boys
20
et ung aultre de foin du vilage, j’ay voulu essayé
21
si nostre courtaut pie nous voudroyt servyr de second
22
cheval à la charrete, duquel nostre chauretyer a bonne
23
espérance et croyt fermement qu’il tirera bien qui
24
me fait résoudre de le dédyé à cella pour estre
25
une beste forte et puissante et mesmes qu’il nous fault
26
deux puyssants chevaulx, d’aultant que je crins fort
27
que nous n’an barrassions nostre charrette de beaucoupt
28
de choses come premièrement vous pouvés antandre de
29
deux coffres apartenans à monsieur de Laval, de deux
30
[v] paniers où sont les armes de messieurs d’Eveynes et de Laval,
31
lesqueles ne pèsent pas peu, et ayant mesmement deulx
32
rondalles d’assier, toute deulx à la preuve de l’arquebuse,
33
l’une desqueles mondit sieur d’Eveynes a donné à monsieur
34
de Laval. Illuy aura de surplus sus nostre charrete une
35
tante de douze pié de toute barreure, qui nous
36
coupte dishuict escus au soleil. Elle n’est pas neufve,
37
mais elle est aussy bonne. Il luy a aussy le lict de
38
monsieur de Laval, sans puis d’aultres malles pour serer
39
les ardes de vallet et des chevaulx, de façon, monsiegneur,
40
que s’il nous falloyt encores achepté ung puissant cheval,
41
il nous coupteroyt quarante ou cinquante escus, et y
42
lessant le courtaut pie, nous nous porrons passer d’ung courtaut
43
de vinct escus, lequel nostre palefrenier porra tousiourzs
44
monter ; oultre tout cella, nous sommes asseurer de nous servyr
45
du courtautpie à la selle toutes et quantes foys que
46
nous voudrons. J’avons achepté ung pavilion de damas vert
47
pour le lict de camp de monsieur de Laval qui nous coupte
48
anvyron cent soixante livres, y conprenant la contre souche
49
de taffetas vert. Monsieur d’Eveynes nous a proveu
50
du petit chalict qui nous servira aussy bien que ung
51
neuf. Il nous fornist aussy d’ung matellas et d’ung
52
traverse. Ce nous est autant d’argent espargné. Je suis
53
sus le poinct d’achepter plusieurs aultre ménage come
54
vessele, linge, table de camp et aultres choses nécessères
55
pour une armée. Au demeurant, monseigneur, puis squ’il
56
vous plest que je vous face antandre des nouvelles que
57
je scauray, il ce dict icy que Monsieur, frère du roy,
58
partira pour certin pour s’en aller à La Pochelle pour le
59
quinziesme du moys qui vient et tient-on pour seur que
60
les habitans et populas de la dicte ville = [= de La Rochelle] sont en grande
61
divorsse avec la noblesse, qu’est cause, selon mon opinion,
62
[320] que cela fait hasté Monsieur de son vouyaige. Ce souer passé,
63
le jeune La Molle, qui à monsieur le duc, a esté assally et a
64
fally à estre tué. Le baron de La Roche est sus le poinct
65
de s’en aller de par della avec ung don que le roy luy a fait
66
de la confis cation de tous les usuriers du Daulphiné, mais
67
j’ay peur qu’il n’an facent aussy peu que feu le capitaine
68
Moreau qui l’avoyt heu aultresfoys, car je me souviens
69
l’avoir veu à Grenoble pour cet effait mesme. Je pansse
70
bien, monseigneur, qu’aurés sceu come le roy a esté blessé
71
ses jours passés à la chasse du sanglier d’ung coup
72
d’épée au bras, mais l’on espère que ce ne sera pas grande
73
chose. La reyne régnante a esté fort malade ses jours
74
passés d’un cathère à la joue, tellemant que l’on cregnoit
75
qui ne la suffocat. La reyne mère du roy, a esté
76
sanblablemant malade. Je ne scay si elle le contreffeoyt
77
pour avoir beaucoups de demandeurs après d’elle qui ne demande que d’argent pour
78
faire ce voyage de La Rochelle, qu’est tout ce que je vous
79
peux escripre, que sera l’androyt après vous avouer beysé
80
très humblement les mains, je prieray le Créateur
81
monseigneur, vous donner en parfaicte santté longue et heureuze
82
vie. De Paris, ce 22 décembre 1572.
83
Vostre très humble et hobéyssant
84
Serviteur
85
J de Chapponay
86